BitArkivo ricevis subvencion de ESF en 2025
29. julio 2026
BitArkivo ricevis 3000€ subvencion en 2025 de la Esperantic Studies Foundation (ESF), fondaĵo kiu subtenas esploradon, edukadon kaj konservadon rilatajn al Esperanto kaj interlingvistiko.
Tiu subteno helpas nin daŭrigi la ciferecigon, priskribon kaj publikan alirebligon de la Esperanta gazetara heredaĵo — laboro kiu dependas de teknika infrastrukturo, zorga prilaboro de metadatumoj kaj kunlaboro kun volontuloj tra la mondo.
La kutimaj kanaloj de ESF
La peto kaj la posta administrado sekvis la kutimajn kanalojn de ESF:
- Petformularo en la angla aŭ en Esperanto, kun la bezonata dokumentado
- Videokonferenca Intervjuo rete kun la taksa teamo de ESF
- Retpoŝta administrado kun Chuck Mays, kiu gvidis la komunikadon dum la procedo
La procezo estis klara kaj serioza: oni povis prezenti la projekton, respondi demandojn kaj klarigi kiel la subvencio konkrete subtenos la arkivajn kaj teknikajn taskojn de BitArkivo.
Raporto
La raporto sentida al ESF resumas la laboron realigitan en la kadro de la subvencio donita de Esperantic Studies Foundation (ESF) al BitArkivo.org. Dum la projekto ni evoluigis novajn teknikajn ilojn, plibonigis la platformon por katalogado kaj konservado de Esperantaj periodaĵoj, kaj kreis daŭripovajn laborfluojn por faciligi la kunlaboron de volontuloj. Samtempe ni fortigis la komunikadon kun la komunumo, vastigis la publikajn kanalojn de la projekto kaj establis novajn kunlaborojn kun bibliotekoj, arkivoj kaj aliaj iniciatoj dediĉitaj al la konservado de la Esperanta kultura heredaĵo.
La subvencio ebligis ne nur konkretajn teknologiajn plibonigojn, sed ankaŭ la konstruadon de malferma kaj kunlabora infrastrukturo, kiu certigas la longdaŭran kreskon de BitArkivo. La rezultoj inkluzivas pli efikan administradon de metadatumoj, pli bonan kvaliton de ciferecigitaj materialoj, aŭtomatigon de diversaj taskoj, pli facilan aliron al la kolektoj kaj plifortigitan kunlaboron kun volontuloj kaj institucioj. Ĉi tiuj atingoj starigas solidan bazon por la estonta evoluo de la projekto kaj por la konservado kaj disvastigo de la Esperanta dokumenta heredaĵo.
Dank-atesto
Per ĉi tiu dank-atesto ni publike dankas al la Esperantic Studies Foundation pro la subvencio de 2025, kaj al ĉiuj, kiuj partoprenis en la taksado kaj administrado de la peto — speciale al Chuck Mays pro la zorga retpoŝta akompano.
Via subteno plifortigas nian kapablon konservi kaj diskonigi Esperantajn periodaĵojn por hodiaŭaj legantoj kaj por estontaj generacioj. Dankegon!
Pliaj informoj pri la subvenciaj programoj de ESF troviĝas ĉe esperantic.org.
